საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამები, ქალაქ ბორჯომის იუსტიციის სახლშიც დაიწყო.

სსიპ „დანაშაულის პრევენციის ცენტრის" წარმომადგენლებმა,  ადგილობრივი სკოლების 35 მოსწავლეს  ახალგაზრდული პროგრამები გააცნეს და სამომავლო გეგმები დასახეს.

შეხვედრაზე წარდგენილი იყო ის ძირითადი პროგრამები, რომლებსაც ცენტრი სხვადასხვა იუსტიციის სახლებსა და საზოგადოებრივ ცენტრებში ატარებს. მონაწილეებს შესაძლებლობა ჰქონდათ, სხვადასხვა აქტივობის საშუალებით, პირადად ჩართულიყვნენ პრეზენტაციის პროცესში. ახალგაზრდებისთვის  პირველი ტრენინგი ადამიანის უფლებების შესახებ ჩატარდა, რომელიც გუნდური სავარჯიშოებისა და დისკუსიის საშუალებით მოსწავლეთა აქტიური ჩართულობით წარიმართა. დასასრულს, მოსწავლეებმა განსაზღვრეს ის თემები, რომლებზეც სამომავლოდ ტრენინგის ჩატარებას ისურვებდნენ.

ახალგაზრდული პროგრამების ფარგლებში, ამიერიდან, ქალაქ ბორჯომის ადგილობრივი სკოლების მოსწავლეებს, შესაძლებლობა ექნებათ, მოისმინონ სამართლებრივი ლექცია/სემინარები, ტრენინგები არაფორმალური განათლების მიმართულებით, დაესწრონ საჯარო ლექციებს.  თეორიული მასალის გარდა, დაგეგმილია გუნდური თამაშები, სახალისო სავარჯიშოები, ფილმის ჩვენება-დისკუსია და სხვა.

სსიპ „დანაშაულის პრევენციის ცენტრის“ ახალგაზრდული პროგრამები უკვე 18 ქალაქში მიმდინარეობს.  მათი მიზანია 14-დან 18 წლამდე სკოლის მოსწავლეებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია და  მოხალისეობრივი კულტურის განვითარების ხელშეწყობა და სხვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს