ბელარუსის რესპუბლიკაში, ქალაქ მინსკში, კვების მრეწველობის  ყოველწლიური, 22-ე სართაშორისო გამოფენა „პროდექსპო - 2016” (ProdExpo 2016) გაიხსნა, რომელშიც საქართველოს სოფლის მეურნეობის სამინისტრო მესამე წელია მონაწილეობს. 

სოფლის მეურნეობის სამინისტროს ინფორმაციით, ქართულ სტენდთან საქართველოს სოფლის მეურნეობის მინისტრის პირველმა მოადგილემ, ნოდარ კერესელიძემ ბელარუსის რესპუბლიკის სოფლის მეურნეობის მინისტრის მოადგილეებს იგორ ბრილოსა და ვლადიმერ გრაკუნის, ასევე ვაჭრობის მინისტრს, ვლადიმირ კოლტოვიჩს უმასპინძლა. 

უწყების ინფორმაციით, აღნიშნულ გამოფენაზე, საქართველოს სოფლის მეურნეობის სამინისტროსა და ბელარუსის რესპუბლიკაში  საქართველოს საელჩოს ხელშეწყობით, 14 ქართული კომპანიის პროდუქციის ფართო ასორტიმენტია წარმოდგენილი, მათ შორის, ქართული ღვინო,  ნატურალური წვენები და სხვადასხვა ქართული ტკბილეული. 

კვების მრეწველობის 22-ე სართაშორისო გამოფენა „პროდექსპო - 2016” 11 ნოემბრამდე გაგრძელდება. გამოფენაში მსოფლიოს 10 ქვეყნის (ბელარუსია, რუსეთი, უკრაინა, პოლონეთი, ლატვია, საბერძნეთი, სირია, მოლდოვა, იტალია, საქართველო) 200-ზე მეტი კომპანია მონაწილეობს.   

 წელს აღნიშნული გამოფენა ბელარუსის რესპუბლიკის ვაჭრობის მინისტრმა ვლადიმირ კოლტოვიჩმა  და სოფლის მეურნეობის მინისტრის მიადგილემ ვლადიმერ გრაკუნმა გახსნეს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა