ნორვეგია რუსეთსა და ცხინვალის რეგიონს შორის მიღებულ შეთანხმებას არ აღიარებს. ამის შესახებ, ნორვეგიის საგარეო საქმეთა მინისტრი ბორგე ბრენდემ განაცხადა.

როგორც ბრენდემ განაცხადა, შეთანხმება საქართველოს სუვერენიტეტსა და ტერიტორიულ მთლიანობას არღვევს.

„ის რომ რუსეთი მეკავშირეობისა და ინტეგრაციის შესახებ შეთანხმებებს აწერს ხელს საქართველოს სეპარატისტულ რეგიონებთან, სასიკეთო გავლენას არ ახდენს რეგიონში უსაფრთხოებისა და სტაბილურობის დამყარების მცდელობებზე. შეთანხმება არღვევს საქართველოს სუვერენიტეტსა და ტერიტორიულ მთლიანობას. ამიტომ, მკაცრად ვემიჯნები რუსეთსა და საქართველოს ოკუპირებულ ტერიტორია - ცხინვალის რეგიონს შორის მიღებულ შეთანხმებას. შეთანხმებას მოსკოვში ხელი მოეწერა ჟენევაში გამართული სამშვიდობო მოლაპარაკებების პარალელურად. დღევანელი შეთანხმება სამწუხაროდ აუფასურებს იმ სამუშაოებს, რომლებიც საქართველოსა და სეპარატისტულ რეგიონებს შორის უსაფრთხოების უზრუნველყოფისა და კონფლიქტთან დაკავშირებული ჰუმანიტარული საკითხების მოგვარების მიმართულებით იქნა გაწეული", - განაცხადა ბორგე ბრენდემ.

ამასთან, ნორვეგია რუსეთს მოუწოდებს, 2008 წლის 12 აგვისტოსა და 2008 წლის 8 სექტემბრის შეთანხმებების პირობები შეასრულოს.

„რუსეთმა ბათილად უნდა სცნოს საქართველოს ოკუპირებული ტერიტორიების დამოუკიდებელ სახელმწიფოებად აღიარება და გაიყვანოს სამხედრო ძალები საქართველოდან. ნორვეგია ურყევად უჭერს მხარს საქართველოს ტერიტორიულ მთლიანობასა და სუვერენიტეტს", -განაცხადა ბორგე ბრენდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა