თავდაცვის მინისტრი მინდია ჯანელიძე, თავდაცვის უწყებაში კადრების შემცირებასთან დაკავშირებით გავრცელებულ ინფორმაციას უარყოფს.

ამის შესახებ ჯანელიძემ  ჟურნალისტებს მთავრობის სხდომის დასრულების შემდეგ განუცხადა.

მისივე თქმით, ამ ეტაპზე სამხედრო პოლიციის რეორგანიზაციის პროცესი მიმდინარეობს, რაც ახალი სისტემის და სტრუქტურის შექმნას ითვალისწინებს.

“თავდაცვის სამინისტროში კადრების შემცირებასთან დაკავშირებით არასწორი ინფორმაციაა გავრცელებული. მე ამაზე კომენტარი ბევრჯერ გავაკეთე და კიდევ მოგახსენებთ, რომ ამ ეტაპზე მიმდინარეობს სამხედრო პოლიციის რეორგანიზაციის პროცესი. რეორგანიზაცია გულისხმობს ახალი სისტემის და სტრუქტურის შექმნას.  შესაბამისად, ყველა ის თანამშრომელი, რომელიც მანმადე მუშაობდა სამხედრო პოლიციაში, ყველა მათგანს ექნება შანსი, ახალი სისტემის და სტრუქტურის შიგნით გააგრძელოს მუშაობა. ანუ როგორც ასეთი შემცირება არ იგეგმება”, - აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა