იმამკულიევი: ის რაც 8 ოქტომბერს მარნეულში მოხდა, აღარ უნდა განმეორდეს

2016-10-22 15:05:21, 810 ნახვა

პოლიტიკა

ყიზილაჯლოში აქტივობა არის კარგი, მოსულია ამომრჩევლის დაახლოებით 25%, ჩვენ ველით უფრო მეტს და 90%-მა ხმა ჩვენ უნდა მოგვცეს, პირველივე ტურში უნდა დავამთავროთ, - ამის შესახებ "ნაციონალური მოძრაობის" მაჟორიტარობის კანდიდატმა აკმამედ იმამკულიევმა განაცხადა.

როგორც იმამკულიევმა აღნიშნა, ის რაც 8 ოქტომბერს მარნეულში მოხდა, აღარ უნდა განმეორდეს.

„არ უნდა შევაწუხოთ პოლიციელები, რომლებიც აქ არიან. სამწუხაროდ, რაც მოხდა პირველივე დღეს, 8 ოქტომბერს - აქ შემოვიდა სპეცრაზმი, ასეთი არაფერი აღარ უნდა განმეორდეს საქართველოში. ეს ყველაფერი უნდა დამთავრდეს, დღეს ძალადობის ბოლო დღეა საქართველოში. მე ვთვლი, რომ მარნეულიდან უნდა დავიწყოთ მშვიდობა და ეს მშვიდობა დამთავრდება ჩვენი გამარჯვებით. მეორე ტურს წესით გამოვრიცხავთ, მაგრამ თუ არ იქნება იმდენი მოსახლეობა მოსული დღეს, მზად ვართ, ვიბრძოლოთ მეორე ტურისთვის“,- განაცხადა იმამკულიევმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან