"ყიზილაჯლოში ზეწოლის არანაირი ფაქტები არ ხდება და, თუ ვინმეს ხელოვნურად უნდა ასეთი სურათის შექმნა, ეს უპასუხისმგებლობაა",- ასე გამოეხმაურა დეპუტატი ეკა ბესელია, "ნაციონალური მოძრაობის" ლიდერის გიგა ბოკერიას დრევანდელ განცხადებას, რომლის თანახმადაც საარჩევნო უბანზე "ენმ"-ს მხარდამჭერებზე ზეწოლა ხორციელდებოდა.

როგორც ბესელიამ ჟურნალისტებს განუცხადა, ამ დროისთვის ყველაფერი მშვიდად, კანონის ფარგლებში მიმდინარეობს.

„თუ რაიმე ტიპის გადაცდომა ვინმემ დაინახა,  კამერებიც მუშაობს და შეუძლია, ვიდეო მასალაზე დაყრდნობით მოახდინოს რეაგირება. დაშინებაზე საუბარი საერთოდ არასერიოზულია, თუ ვინმე გულისხმობს, რომ პოლიციისთვის ქვის სროლა, ძალადობა, წითელი ხაზების გადაკვეთა რეაგირების გარეშე უნდა დარჩეს, ნურასუკაცრავად“,-აღნიშნა ეკა ბესელიამ.

მისივე ინფორმაციით, ყველაფერი გაკეთდა, რათა ყველას ჰქონდეს საშუალება, თავისი პოზიცია გამოხატოს.

ცნობისთვის, „ნაციონალური მოძრაობის“ ერთ-ერა ლიდერმა, გიგა ბოკერიამ, რომელიც ასევე ყიზილაჯლოში იმყოფება, დღეს განახცადა, რომ მარნეულში მათი პარტიის მომხრეებზე ზეწოლას ქონდა ადგილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ