კრაკოვში ევროპის კონსერვატორებისა და რეფორმატორების ჯგუფის (ECR)  მიერ ორგანიზებული კონფერენციის ფარგლებში, საგარეო საქმეთა მინისტრი მიხეილ ჯანელიძე ECR-ის ჯგუფში პოლონეთის დელეგაციის ხელმძღვანელს, ევროპარლამენტარ რიჩარდ ლეგუჩკოს შეხვდა.

საგარეო უწყების ინფორმაციით, შეხვედრაზე მხარეებმა აღნიშნეს პოლონეთისა და საქართველოს ისტორიული მეგობრობა. ევროპარლამენტარის განცხადებით, მისი პოლიტიკური ჯგუფი საქართველოს აქტიური მხარდამჭერია და კმაყოფილებით აკვირდება საქართველოს განვითარებას.

რიჩარდ ლეგუჩკომ ასევე დადებითად შეაფასა საქართველოში 8 ოქტომბერს ჩატარებული საპარლამენტო არჩევნები და აღნიშნა, რომ ეს იყო მორიგი წინ გადადგმული ნაბიჯი ქვეყნის სტაბილურობისა და დემოკრატიისკენ.

ECR-ის პოლიტიკური ჯგუფის პოლონეთის დელეგაციის ხელმძღვანელმა მადლობა გადაუხადა საქართველოს საგარეო საქმეთა მინისტრს   ECR-ის კონფერენციაში მონაწილეობისათვის და ხაზი გაუსვა საქართველოს მნიშვნელოვან როლს ევროპის უსაფრთხოებაში.

მისი განცხადებით შესამჩნევია ქვეყნის ეკონომიკური განვითარება და შთამბეჭდავია, რომ საქართველომ მნიშვნელოვანი ადგილი დაიკავა ეკონომიკურად თავისუფალი ქვეყნების ხუთეულში.

საგარეო საქმეთა მინისტრმა მადლობა გადაუხადა ევროპარლამენტარს საქართველოს მხარადჭერისთვის და  თბილისში ვიზიტით მოიწვია.

მიხეილ ჯანელიძემ ქ.კრაკოვში საპატიო სტუმრის სტატუსით მონაწილეობა მიიღო ევროპის კონსერვატორთა და რეფორმატორთა ჯგუფის კონფერენციაში, რომელიც 2016 წლის 18-19 ოქტომბერს გაიმართა. ​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს