მამაკაცი, რომელმაც სოხუმში ტელეკომპანიის ტერიტორიაზე თავი აიფეთქა, უკრაინის მოქალაქე იყო, - ამის შესახებ ინფორმაციას Caucasus Times-ი ავრცელებს.

როგორც სააგენტო ოკუპირებული აფხაზეთის დეფაქტო შინაგან საქმეთა სამინისტროზე დაყრდნობით წერს, გარდაცვლილის სახელი სერგეი ტოროსენკოა, ის დონეცკში სეპარატისტების საველე მეთაურის არსენი პავლოვის, მეტსახელად "მოტოროლას" დაჯგუფების წევრი იყო. "მოტოროლა" 16 ოქტომბერს საკუთარი სახლის ლიფტთან აფეთქების შედეგად დაიღუპა.

მედიის ცნობით, სერგეი ტოროსენკოს თანმზრახველებიც ჰყავდა, მათ ამჟამად აფხაზეთში სამართალდამცველები ეძებენ.

როგორც Caucasus Time-ი წერს, ტოროსენკო აფხაზეთში რამდენიმე დღის წინ რუსეთიდან ჩავიდა. გამოძიების ინფორმაციით, მას ხელნაკეთი ასაფეთქებელი მოწყობილობა შემთხვევით აუფეთქდა. გარდაცვლილს თან აღმოაჩნდა რაცია, ასევე სოხუმის რუკა სახელმწიფო დაწესებულებების ადგილმდებარეობების მითითებით.

ტოროსენკოს შესაძლო მოტივები ჯერჯერბით უცნობია, თუმცა როგორც უკრაინული და რუსული მედია იტყობინება, აფხაზეთში წარსულში ე.წ. “დონეცკის სახალხო რესპუბლიკის” წარმომადგენლები, მათ შორის “მოტოროლა”, მკურნალობდნენ. მათ ადგილობრივ მცხოვრებლებთან კონფლიქტი მოუვიდათ.

სოხუში მომხდარ აფეთქებასა და “მოტოროლას” მკვლელობას შორის შესაძლო კავშირის შესახებ სააგენტო “სპუტნიკთან”  ოკუპირებული აფხაზეთის დეფაქტო შინაგან საქმეთა ყოფილი მიინსტრი რაულ ლოლუაც საუბრობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება