ბათუმში მრავალფუნქციური სასტუმრო საცხოვრებელი კომპლექსი "პორტა თაუერის" (Porta Batumi Tower) მშენებლობის პროცესს დღეს აჭარის მთვარობის თავმჯდომარე ზურაბ პატარაძე და ფინანსთა და ეკონომიკის მინისტრი რამაზ ბოლქვაძე გაეცნენ. ამის შესახებ "ექსპრესნიუსს" აჭარის მთავრობის ადმინისტრაციიდან აცნობეს.

„პორტა თაუერი" აღჭურვილია სხვადასხვა ზომის სტუდიოს ტიპისა და ორ-სამ ოთახიანი საცხოვრებელი ფართებით, ასევე ზღვისა და მთის ხედის მქონე 12 პენტჰაუსით. გარდა საცხოვრებელი სახლებისა, „პორტა თაუერი" შედგება რამდენიმე შენობისგან. მიწისქვეშა დონეზე განთავსებულია 2-სართულიანი ავტოსადგომი მაცხოვრებელთათვის. ნულოვან სართულზე მოთავსებულია 12 სავაჭრო ფართი. 

კომპლექსში აგრეთვე მოთავსდება 100-ნომრიანი სასტუმრო ტერასა რესტორნით და ფიტნეს-სპა ცენტრით. გარდა ამისა, პროექტით გათვალისწინებულია კაფე-ბარი და საოფისე ფართების მოწყობა.

თავისი დიზაინითა და კონსტრუქციით Porta Batumi Tower არის მსოფლიო დონის პროექტი, რომელიც აშენებულია უმაღლესი საერთაშორისო სტანდარტების შესაბამისად, როგორიცაა საქართველოში მოქმედი ,,Barrette Pilings". კონსულტაციებისა და მშენებლობის კონტროლს ახორციელებს სტამბოლის ტექნიკური უნივერსიტეტი. ხოლო Porta Batumi Tower-ის მსოფლიო დონის დიზაინი შეიმუშავა გაერთიანებული სამეფოს ცნობილმა არქიტექტორმა -ბროდვეი მალიანმა. მისი განხორციელებისთვის საქართველოში 70 მლ დოლარის ინვესტიცია შემოვიდა.

მრავალფუნქციური სასტუმრო საცხოვრებელი კომპლექსის ,,პორტა თაუერის" მშენებლობა 2016 წლის ბოლოსთვის დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა