2016-10-12 10:31:14, 640 ნახვა
საზოგადოება
ბათუმის 79-ე ოლქის 58-ე უბნის ბიულეტენებს ხელახლა გადაითვლიან
ბათუმის 79-ე ოლქის 58-ე საარჩევნო უბნის ხმებს ხელახლა გადაითვლიან.შესაბამისი გადაწყვეტილება ბათუმის საარჩევნო საოლქო-კომისიამ გუშინ საჩივრების განხილვის დროს მიიღო.
ასევე კომისიამ პირველ საარჩევნო უბანზე დაწერილი საჩივრები განიხილა. შედეგად უბნის თავმჯდომარესა და მდივანს სიტყვიერი გაფრთხილება მიეცათ.
„სამართლიან არჩევნებში” განმარტავენ, რომ ამ უბნებზე შემაჯამებელი ოქმი ჩასწორებული იყო და ხმების ბალანსი არ ემთხვეოდა.
ბათუმის საოლქო სააჩევნო კომისია საჩივრების განხილვას დღეს დაასრულებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
