საქართველოს შინაგან საქმეთა სამინისტრომ "ერთიანი ნაციონალური მოძრაობის" წარმომადგენელბის ცემის ფაქტზე საქმე 125-ე მუხლით აღძრა, რაც ცემას გულისხმობს.

როგორც უწყებამ "ექსპრესნიუსს" დაუდასტურა, ინციდენტი საარჩევნო უბანთან არ მომხდარა.

შეგახსენებეთ, ცოტა ხნის წინ, "ნაციონალური მოძრაობის" წევრმა გიორგი ტუღუშმა განაცხადა, რომ საბურთალოს მე-6 ოლქში ენმ-ს მხარდამჭერ მამუკა კურტანიძეს საარჩევნო უბნის დატოვება აიძულეს, რის შემდეგაც მას და მამამისს ფიზიკურად, 20-მდე პირი გაუსწორდა.

„სულ ცოტა ხნის წინ, საბურთალოს მეექვსე ოლქში, 48-ე უბანზე, ჩვენი წარმომადგენელები, მამა-შვილი ირაკლი და მამუკა კურტანიძეები  ჯერ აიძულეს დაეტოვებინათ საარჩევნო უბანი, ხოლო ამის შემდეგ, როცა ისინი  საკუთარ საცხოვრებელ სახლთან მივიდნენ  თავს დაესხნენ პირები, რომლებიც რამდენიმე ავტომანქანით გადაადგილდებოდნენ. 20-მდე პირი  მამა-შვილს  ჯერ გამოელაპარაკნენ,  შემდეგ  კი, ფიზიკურად გაუსწორდნენ. ადგილზე ჩვენ მიერ გამოძახებულ იქნა საპატრულო პოლიცია და იმედს ვიტოვებთ, რომ ამ ფაქტს  სათანადო რეაგირება მოჰყვება“, - განაცხადა გიორგი ტუღუშმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს