ჩაშლილი ღონისძიება თსუ-ში - ახალი სასწავლო წელი სტუდენტებს განსხვავებულ ფორმატში მიულოცეს

2016-09-26 11:37:08, 899 ნახვა

საზოგადოება

ახალ სასწავლო წელთან დაკავშირებით დაგეგმილი ღონისძიება თსუ-ში ჩაიშალა.

სტუდენტებს ახალი სასწავლო წელი რექტორმა და განათლების მინისტრმა განსხვავებულ ფორმატში მიულოცეს.

ისინი უნივერსიტეტის ერთ-ერთ აუდიტორიაში შეიკრიბნენ და ახალ სასწავლო წელთან და სამომავლო გეგმებთან დაკავშირებით იქ ისაუბრეს.

აუდიტორიაში ფინანსთა მნინისტრი ნოდარ ხადური და საკრებულო თავმჯდომარე გიორგი ალიბეგაშვილი იმყოფებოდა, თუმცა მათ სტუდენტებისთვის სასწავლი წლის დაწყების მილოცვა ვერ მოასწრეს.

„აუდიტორია 115“-ის სტუდენტები უნივერსიტეტში იმ დროს შეიჭრნენ, როცა სიტყვით ფინანსთა მინისტრი გამოდიოდა.

მინისტრებმა თსუ-ს ტერიტორია დატოვეს.

ამ წუთებში სტუდენტებმა „აუდიტორია 115“-ში გადაინაცვლეს, სადაც რექტორს ელოდებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან