ის კურსი, რომელსაც ეს პოლიტიკური პარტია და ხელისუფლება ატარებს, ჩემთვის მისაღებია, - ამის შესახებ "ვისოლ ჯგუფის" პრეზიდენტმა, სოსო ფხაკაძემ ეკონომიკური ფორუმის დასრულების შემდეგ ჟურნალისტებს განუცხადა.

როგორც ფხაკაძემ აღნიშნა, ასეთი ტიპის შხვედრები მისთვის ძალიან ღირებულია.

"ჩემთვის, როგორც ბიზნესმენისთვის ასეთი ტიპის შეხვედრები ძალიან ღირებულია.

პირველი იმისთვის, რომ ვხვდები ბიზნესმენებს და ყველა ძალიან ღიად ვსაუბრობთ, როგორი ტენდენციებია ქვეყანაში. აქედან გამომდინარე, მომავალში ვისახავთ გეგმებს.

ძალიან სტაბილური მაკროეკონომიკური გარემო ჩამოყალიბდა ჩვენს ქვეყანაში. განსაკუთრებით ბოლო პერიოდში, როდესაც კურსის დევალვაციის დამთავრების შემდეგ, მაკროეკონომიკურ სტაბილურობას მივაღწიეთ. ყველას განწყობა და პათოსი დადებითი გახლდათ.

დარწმუნებული ვარ, ეს კურსი გაგრძელდება უახლოეს მომავალში ჩვენ ეკონომიკურად ძალიან ძლიერ ქვეყანას მივიღებთ. კურსი, რომელსაც დღეს ეს პოლიტიკური პარტია ატარებს, ჩვენთვის მისაღებია, ამ ქვეყნის შვილი ვარ და მერე ბიზნესმენი. ვფიქრობ, დღეს ქვეყანა სწორი გზით ვითარდება და ის ადამიანი, ვინც ქვეყანას სათავეში უდგას, ძალიან სწორად ავითარებს მას", - განაცხადა ფხაკაძემ.

ბიზნესმენი მიიჩნევს, რომ საქართველო სწორი მიმართულებით ვითარდება და უახლოეს მომავალში ეკონომიკური თვალსაზრისით ძალიან ძლიერ ქვეყანას მივიღებთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც