ქაშუეთის წმინდა გიორგის სახელობის ეკლესიაში  ნიუ-ჯერსიში  დაღუპული ქართველი კურსანტების პატივსაცემად სამოქალაქო პანაშვიდი იმართება.

ქაშუეთის ეკლესიაში მოქალაქეები მიდიან და დაღუპული რიგითების მშობლებს, ოჯახის წევრებსა და ნათესავებს უსამძიმრებენ.  ტაძარში იმყოფებიან თავდაცვის მინისტრი მინდია ჯანელიძე და საგარეო საქმეთა მინისტრი თამარ ბერუჩაშვილი. 

იქ ამ დროისთვის საქართველოს პრეზიდენტს გიორგი მარგველაშვილს ელოდებიან. 

ქაშუეთის ეკლესიაში ასევე იმყოფებიან დაღუპული სამხედროების ქართველი და ამერიკელი მეგობრები, რომლებიც საქართველოში გუშინ ჩამოვიდნენ. 

ქაშუეთის ეკლესიიდან სოსო მაკარიძეს თერჯოლაში, ბესარიონ გორჯოლაძეს კი, კასპის რაიონში, საკუთარ ოჯახებში გადაასვენებენ. 

რიგითები - სოსო მაკარიძე და ბესარიონ გორჯოლაძე ნიუ-ჯერსის შტატში მომხდარი ავტოავარიის შედეგად დაიღუპნენ. ქართველი კურსანტების სამშობლოში გადმოსვენებისა და დაკრძალვის ხარჯებს საქართველოს თავდაცვის სამინისტრო ფარავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა