ხვალ, 12.30 საათზე, ქუთაისის საერთაშორისო აეროპორტში, ავიაკომპანია „ვიზეარის" მიერ შვიდი ახალი ავიამიმართულების დანიშვნასთან დაკავშირებით გაიმართება ერთობლივი პრესკონფერენცია, რომელსაც  საქართველოს ეკონომიკისა და მდგრადი განვითარების მინისტრის მოადგილე დავით ხუციშვილი, „საქართველოს აეროპორტების გაერთიანების" ხელმძღვანელი ქეთევან ალექსიძე, ტურიზმის ეროვნული ადმინისტრაციის ხელმძღვანელი გიორგი ჩოგოვაძე და „ვიზეარის" კომერციული დირექტორი ოვეინ ჯონსი გამართავენ.
 
ცნობისთვის, „ვიზეარი", რომელიც არის ცენტრალურ და აღმოსავლეთ ევროპაში უმსხვილესი დაბალბიუჯეტიანი ავიაკომპანია, თავის 25-ე ბაზის ხსნის საქართველოში, ქუთაისში. ავიაკომპანია ახალი AirbusA320 ტიპის თვითმფრინავით ქუთაისის აეროპორტიდან 7 ახალ დაბალტარიფიან მიმართულებას ამატებს: ბერლინი, დორტმუნდი და მიუნხენი (მემინგენი), ლარნაკა, მილანი, სოფია და სალონიკი.

ავიაკომპანია ასევე თავის მგზავრებს სთავაზობს 70 სხვადასხვა მიმართულებას ბუდაპეშტის, კატოვიცეს, სოფიას, ვილნიუსის და ვარშავას ბაზებიდან - რაც ქართველ მომხმარებელს საშუალებას მისცემს იმოგზაუროს მთელს ევროპაში „ვიზეარის" ყველაზე დაბალი ფასებით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა