მიხეილ ჯანელიძე გაეროს გენერალური ასამბლეის 71-ე სესიაში მონაწილეობს

2016-09-19 09:54:32, 584 ნახვა

პოლიტიკა

საქართველოს საგარეო საქმეთა მინისტრი მიხეილ ჯანელიძე, ქ. ნიუ-იორკში იმყოფება, სადაც გაეროს გენერალური ასამბლეის 71-ე სესიაში მონაწილეობს.

საგარეო უწყების ინფორმაციით, გენერალური ასამბლეის ფარგლებში დაგეგმილია მიხეილ ჯანელიძის ორმხრივი შეხვედრები კოლეგა მინისტრებთან. ასევე დაგეგმილია ცალკეულ ქვეყნებთან ორმხრივი შეთანხმებების გაფორმება.

საგარეო საქმეთა მინისტრი მონაწილეობას მიიღებს სესიის ფარგლებში გაეროს წევრი ქვეყნებისა და გაეროს-ს სხვადასხვა ინსტიტუტების მიერ ორგანიზებულ მაღალი დონის ღონისძიებებში. მინისტრი ასევე შეხვდება გაეროში ევროკავშირის წევრი სახელმწიფოების პოლიტიკურ დირექტორებს, გაეროს ცალკეული ინსტიტუტებისა და სხვადასხვა რეგიონალური ორგანიზაციების ხელმძღვანელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან