საქართველოს პრემიერ-მინისტრმა გიორგი კვირიკაშვილმა თბილისში პირველი მაღალტექნოლოგიური ცენტრი „სილიკონი ველი თბილისი“ გახსნა.

როგორც გიორგი კვირიკაშვილმა აღნიშნა, „სილიკონი ველი თბილისი“ არის უმნიშვნელოვანესი მაღალტექნოლოგიური პროექტი, რომელიც პირველი კერძო ინვესტიციაა მაღალტექნოლოგიური მიმართულებით.

„ძალიან სასიხარულოა, რომ მთავრობის ინიციატივები, რომლებიც დაიწყო შარშან პირველი ტექნოპრკის გახსნით, ასე აიტაცა კერძო სექტორმა. ჩვენ ძალიან გვახარებს კომპლექსური ხედვა, რომელიც ამ ჯგუფს აქვს და ის ინფრასტრუქტურის მრავალფეროვნება, რომელიც აქ არის. ეს არის სკოლები, ეს არის მაღალტექნოლოგიური უნივერსიტეტი, ეს არის აიტი საინფორმაციოტექნლოგიების მიმართულება, ლაბორატორიები, ტრენინგ ცენტრები და ა.შ. ძალიან მნიშვნელოვანია, რომ ეს ინფრასტრუქტურა ხელს შეუწყობს ინოვაციური აზროვნების და სამეწარმეო სულისკვეთების განვითარებას ქვეყანაში და იქნება დამხმარე ინფრასტრუქტურა, ყველა ინოვაციურად მოაზროვნე ახალგაზრდისათვის და არა მარტო ახალგაზრდისათვის. ძალიან კარგია, რომ ამ ცენტრის ბაზაზე იმუშავებს დუალური განათლების პროფესიული განათლების მოდელი, რომელიც ერთდროულად ითვალისწინებს სწავლას და მუშაობას პირდაპირ მიმართულია დასაქმებისკენ და პირდაპირ ეხმიანება მთავრობის 4პუნქტიანი რეფორმების გეგმას“, - განაცხადა გიორგი კვირიკაშვილმა.

მისივე თქმით, რამდენიმე დღის წინ ქუთაისში დაიწყო უპრეცედენტო, საუკუნის პროექტის ტექნოლოგიური უნივერსიტეტის მშენებლობა..

„ეს გახლავთ ერთი მილიარდი ევროს ღირებულების პროექტი, რომელიც თბილისში არსებულ ტექნოლოგიურ ინსტიტუტთან ერთად, ერთ დიდ ძალიან მნიშვნელოვან კომპლექსს ქმნის, რომელიც აშენების შემდეგ გადმოეცემა მთავრობას. ეს არის პროექტი, რომელიც ძირეულ ცვლილებებს შეიტანს საქართველოში მაღალი ტექნლოგიების და მთლიანად ტექნიკური განათლების მიმართულებით და იქნება მართლაც და თვისობრივი ცვლილების შემტანი ქვეყნის განვითარებაში. ძალიან მახარებს, რომ კერძო ინვესტორებმა აიტაცეს ეს ინიციატივა და თბილსიში დღეს უკვე ვხსნით ახალ, კერძომაღალტექნოლოგიურ ცენტრს „სილიკონ ველი თბილისი“. ეს არის მართლაც და მისალოცი ყველასთვის. უპირველეს ყოვლისა თქვენთვის, ვინც ამ ძალიან მნიშვნელოვან ადგილას ღებულობთ განათლებას. მინდა მადლობა გადავუხადოთ ყველა კერძო მეწარმეს. დიდი მადლობა, გილოცავთ ყველას, ეს დიდი ნაბიჯია საქართველოს  განვითარებაში, რომელიც სტრუქტურულად შეცვლის ჩვენს ეკონომიკას და საქართველოს განათლებას ექსპორტზე გაიტანს. საქართველო გახდება მაღალი ტექნოლოგიების ექსპორტიორი ქვეყანა“, - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის