2015-03-12 09:51:06, 978 ნახვა
ეკონომიკა
ფინანსთა სამინისტრო სახელმწიფო უწყებების დაკორექტირებულ ბიუჯეტს მომავალ კვირას წარადგენს
ფინანსთა სამინისტრო სამინისტროების, სსიპ-ების დაკორექტირებულ ბიუჯეტს მომავალ კვირას წარადგენს,-ამის შესახებ ფინანსთა მინისტრმა ნოდარ ხადურმა მთავრობის დღევანდელ სხდომაზე განაცხადა.
ხადურის თქმით, ამ ეტაპზე უწყება ელოდება ინფორმაციას იმ სსიპ-ებისგან, რომლებიც სამინისტროების კონტროლის ქვეშ არ არიან.
„ორშაბათს უნდა გვქონდეს ინფორმაცია სამინისტროების და იმ სსიპ-ების მიხედვით, რომლებიც არ არიან სამინისტროების კონტროლის ქვეშ და ჩვენ დავიწყებთ უკვე ამ მასალების დამუშავებას. ფინანსთა სამინისტროს გარკვეული მონახაზები უკვე აქვს, მაგრამ დაველოდებით მაინც ჩვენი კოლეგების მიერ მოწოდებულ ინფორმაციას და მომავალ კვირას გარკვეულ სურათს წარმოგიდგენთ“,-აღნიშნა ხადურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
