„ქართული ოცნება-დემოკრატიული საქართველოს“ გურჯაანის მაჟორიტარი დეპუტატობის კანდიდატის,  დავით სონღულაშვილის ინიციატივით, გურჯაანში უახლოეს მომავალში ფრანგული აგროტექნოლოგიური უნივერსიტეტის ფილიალი გაიხსნება. ამის შესახებ  „კახეთი-იონის“ გამგეობის თავმჯდომარემ, ერიკ ჟანტიმ დავით სონღულაშვილთან შეხვედრისას განაცხადა.

 მისი თქმით, ფრანგულ მხარესთან დაწყებულია მოლაპარაკებები შემდგომი პროცედურების შესახებ. მოსახლეობას შესაძლებლობა ექნება დაეუფლოს აგრონომის პროფესიას, გაეცნოს მიმდინარე აგროსიახლეებს და პრაქტიკები საფრანგეთში, ბურგუნდიის აგროტექნოლოგიურ უნივერსიტეტში გაიაროს.

„ჩემი პროგრამის ერთ-ერთი ნაწილი გურჯაანში პროფესიული სასწავლებლების ჩამოყალიბების ხელშეწყობაა, სადაც შესაძლებელი იქნება აგრონომების, ინჟინრების, სოფლის მეურნეობის და სხვა დარგების მოთხოვნადი პროფესიების დაუფლება,“ - განაცხადა დავით სონღულაშვილმა.

„ჩვენ უკვე დავიწყეთ ფრანგულ მხარესთან საუბარი, თუ რა შეგვიძლია ჩვენი მხრიდან გავაკეთოთ ამ პროექტის განვითარებისთვის. დავითი ჯერ მხოლოდ კანდიდატია, მაგრამ უკვე აქტიურად ჩართულია პრობლემების გადაწყვეტაში” ,- აღნიშნა ბურგუნდიის რეგიონის საბჭოს წევრმა "კახეთი-იონის" გამგეობის თავმჯდომარე, ერიკ ჟანტიმ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს