საქართველოს ფინანსთა მინისტრმა, ნოდარ ხადურმა იტალიის ცენტრალურ ნაწილში მომხდარი ძლიერი მიწისძვრის გამო, რასაც ადამიანთა მსხვერპლი და დიდი ნგრევა მოჰყვა, იტალიელ კოლეგას - იტალიის ეკონომიკისა და ფინანსთა მინისტრს, პიერ კარლო პადოანის სამძიმრის წერილი გაუგზავნა.

„შემძრა იტალიის ცენტრალურ ნაწილში მომხდარ ძლიერ მიწისძვრასთან დაკავშირებით მიღებულმა ინფორმაციამ. განსაკუთრებით იმის გაგებამ, რომ მიწისძვრამ იმსხვერპლა ადამიანების სიცოცხლე.

სამწუხაროდ, კიდევ ბევრი მათგანი ნანგრევების ქვეშაა მოყოლილი. ვიცი, რომ სამაშველო სამსახურები ყველაფერს აკეთებენ ადამიანების სიცოცხლის გადასარჩენად და სახელმწიფო ძალისხმევას არ იშურებს მიწისძვრის შედეგად დაზარალებულთა დასახმარებლად, მიღებული ზიანის აღმოსაფხვრელად.
ფინანსთა სამინისტრო გამოხატავს ღრმა მწუხარებას დატრიალებული ტრაგედიის გამო, სამძიმარსა და თანადგომას უცხადებს დაღუპულთა ოჯახებსა და მეგობრებს, სწრაფ გამოჯანმრთელებას უსურვებს დაშავებულებს. ამ მძიმე წუთებში, თქვენ და იტალიელ ხალხს გისურვებთ გამძლეობასა და სიმტკიცეს," - ნათქვამია ფინანსთა მინისტრის სამძიმრის წერილში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს