ამერიკელი გენერალი ჯოზეფ დენფორდი მიიჩნევს, რომ რუსეთი, ირანი, ჩინეთი და ჩრდილოეთ კორეა  ძალადობრივ ექსტრემიზმთან ერთად მსოფლიოში მთავარ საფრთხეს წარმოადგენენ, - აღნიშნული განცხადება გენერალმა ვაშინგტონში ნაციონალური თავდაცვის უნივერსიტეტში სიტყვით გამოსვლისას გააკეთა.

როგორც ჯოზეფ დენფორდმა აღნიშნა, რუსეთი, სხვადასხვა დემოგრაფიული და ეკონომიკუირ სირთულეების მიუხედავად, ვითარდება, ახორციელებს ბირთვული საწარმოებისა და ფლოტის მოდერნიზებას. ამას გარდა ამერიკელმა, გენერალმა შეშფოთება გამოთქვა რუსეთის ხელისუფლების ქმედებების გამო, კერძოდ, ყირიმის ანექსიის, აღმოსავლეთ უკრაინაში ქმედებების, მოლდოვისა და საქართველოს მისამართით მუქარის გამო, ასევე სირიაში სამხედრო ოპერაციის გამო.

ამერიკელი გენერალი მიიჩნევს, რომ თავისი ქმედებებით მოსკოვი ისტორიაში ყველაზე წარმატებული ალიანსის - ნატო-ს დაშლას ცდილობს.

2015 წლის ზაფხულში, ჯოზეფ დენფორდმა რუსეთს აშშ-ის ნაციონალური უსაფრთხოებისთვის უმსხვილესი საფრთე უწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც