ეროვნული კინოცენტრისა და თიბისი ბანკის მხარდაჭერით შექმნილი ფილმების წარმატება გრძელდება. ახალგაზრდა რეჟისორის, თორნიკე ბზიავას ფილმი „მექელეხე"  ესპანეთის ქალაქ ვალენსიას ყოველწლიურ საერთაშორისო კინოფესტივალზე, La Cabina მიიღეებს მონაწილებას.

თორნიკე ბზიავას ფილმი „მექელეხე" ღარიბი, ხანშიშესული მამაკაცის შესახებ მოგვითხრობს, რომელიც "ქელეხების" შესახებ გაზეთების საშუალებით იგებს, რათა დაესწროს მათ. თუმცა, ამ ერთი შეხედვით სევდიან მდგომარეობას თავისი გასართობი და კომიკური შედეგებიც აქვს.

"მექელეხე" თბილისის საერთაშორისო კინოფესტივალზე საუკეთესო მოკლემეტრაჟიან ფილმად აღიარეს და ჯილდო "პრომეთე" გადასცეს. ფილმი წელს საფრანგეთში, კლერმონ ფერანის მოკლემეტრაჟიანი ფილმების საერთაშორისო ფესტივალის საკონკურსო პროგრამაშიც იყო წარდგენილი.

თიბისი ბანკმა ეროვნული კინოცენტრის მიერ გამოცხადებული კონკურსი მოკლემეტრაჟიანი ფილმების წარმოებაზე დამატებით 100 000 ლარით დააფინანსა, რამაც გაზარდა კინოწარმოების ფონდი და შესაძლებელი გახდა დაგეგმილზე მეტი ფილმის დაფინანსება. ეს იყო პირველი პრეცედენტი, როდესაც ქვეყანაში კინემატოგრაფის განვითარების მიზნით, სახელმწიფო სუბსიდიასთან ერთად კინოწარმოებაში ჩაერთო კერძო ბიზნესი. 

საერთაშორისო კინოფესტივალი La Cabina  წელს ესპანეთში 3-13 ნოემბერს ჩატარდება.

(RS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს