მიმდინარე თვეში ფრანგულმა სპეცსამსაურებმა ტერორისტულ დაჯგუფებებთან კავშირის ბრალდებით 7 ადამიანი დააკავეს, - ამის შესახებ საფრანგეთის შინაგან საქმეთა მინისტრმა ბერნარ კაზნიევმა გერმანელ კოლეგასთან, ტომას დე მაზიერთან შეხვედრის შემდეგ განაცხადა.

მინისტრის თქმით, დაკავებულთაგან სამი ადამიანი, გამოძიების ვარაუდით, საფრანგეთის ტერიტორიაზე ტერაქტების განხორციელებას გეგმავდა

“შიდა უსაფრთხების მთავარმა სამმართველომ აგვისტოში ტერორისტულ ქსელებთან დაკავშირებული შვიდი ადამიანი დააკავა. სამ მათგანს ტერაქტების მზა გეგმები ჰქონდა”, - განაცხადა კაზნიევმა.

ამასთან, მისივე თქმით, მიმდინარე წელს ტერორიზმის წინააღმდეგ ბრძოლის ფარგლებში საფრანგეთში დაკავებულთა რიცხვი, წინა წელთან შედარებით, გაორმაგდა.

შეგახსენბთ, რომ წელს ნიცაში ტერაქტის შედეგად 86 ადამიანი გარდაიცვალა. ტერაქტზე პასუხისმგებლობა "ისლამურმა სახელმწიფომ" აიღო. კიდევ ერთი ტერაქტი საფრანგეთის ერთ-ერთ პროვინციაშე მდებარე ეკლესიაში მოხდა, რის შედეგადაც 1 სასულიერო პირი გარდაიცვალა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც