თურქეთმა სირიის ჩრდილოეთ ნაწილში “ისლამური სახელმწიფოს” პოზიციების მისამართით ცეცხლი გახსნა, - ამის შესახებ უცხოური მედია იუწყება. 

თურქმა სამხედროებმა ასევე დარტყმები სირიის ქალაქ ჯარაბლუსსა და მანბიჯში ქურთთა რაზმების პოზიციებზე განახორციელეს. 

მედიის ცნობით, ანკარას მიერ მხარდაჭერილი სირიელი ამბოხებულები მზად არიან, ტერორისტების წინააღმდეგ შეტევითი ოპერაცია დაიწყონ. ამჟამად თურქეთის სასაზღვრო ქალაქ გაზიანთეფში 1500 სირიელი ამბოხებული იმყოფება, რომლებიც ოპერაციის დაწყებას ელოდებიან.

როგორც 22 აგვისტოს თურქეთის საგარეო საქმეთა მინისტრმა მევლუთ ჩავუშოღლუმ განაცხადა, სირიის ჩრდილოეთი ნაწილი “ისლამური სახელმწიფოს” ჯიჰადისტებისგან მთლიანად უნდა გაიწმინდოს. ამ განცხადებას წინ უძღვოდა ქალაქ გაზიანთეფში მომხდარი აფეთქება, რასაც 50-ზე მეტი ადამიანი ემსხვერპლა. ანკარა თავდასხმაზე პასუხისმგებლობას “ისლამურ სახელმწიფოს” აკისრებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარგუს ცაჰკნა - ძალიან ვწუხვარ, რომ ქართული რეჟიმი აბსოლუტურად სხვა გზას მიჰყვება, არა ევროკავშირისკენ გზას

16-17 ივნისს თბილი და უმეტესად უნალექო ამინდია მოსალოდნელი, ხოლო 18 ივნისს გაწვიმდება

რუსული ავიაკომპანია Red Wings ბათუმისკენ ფრენებს კიდევ 6 ქალაქიდან შეასრულებს

თენგიზ შარმანაშვილი პოლიციელების მხრიდან ძალადობაზე - კიდევ მოხდება ხვალაც, ზეგაც