სოფლის მეურნეობის სამინისტროს შპს „საქართველოს მელიორაცია“ წეროვანის დევნილთა დასახლების სარწყავი წყლით უზრუნველყოფის მიზნით საირიგაციო ქსელის მოწყობის პროექტს იწყებს. 

პროექტის შესახებ ინფორმაციის მიწოდების  მიზნით, მოსახლეობასთან  შეხვედრა გაიმართა, რომელშიც მონაწილეობდნენ დევნილთა და განსახლების მინისტრი სოზარ სუბარი,  სოფლის მეურნეობის მინისტრის მოადგილე დავით გალეგაშვილი, მცხეთა-მთიანეთის გუბერნატორი გოჩა ზეიკიძე და შპს „საქართველოს მელიორაციის“ გენერალური დირექტორი ლევან დვალი.  

„სოფლის მეურნეობის სამინისტროს ამ მნიშვნელოვანი პროექტის განხორციელების შედეგად წეროვანის დასახლების  2 000 ოჯახზე მეტი 80 ჰექტარ საკარმიდამო ნაკვეთის მოსარწყავად ისარგებლებს წყლით.“ - აღნიშნა დავით გალეგაშვილმა. 

პროექტი, რომლის ღირებულებაც 2 000 000 ლარზე მეტია, მომავალი წლის შემოდგომისთვის დასრულდება.

„მოსახლეობა სასმელ წყალს იყენებდა სარწყავად, რაც, თავის მხრივ,  სასმელი წყლის პრობლემას ქმნიდა.  სოფლის მეურნეობის სამინისტროს ამ პროექტის განხორციელების შემდეგ, კი, გადაიჭრება სარწყავი წყლის პრობლემა და აღარც სასმელი წყლის მიწოდება შეფერხდება“- განაცხადა დევნილთა და განსახლების მინისტრმა სოზარ სუბარმა.

შპს „საქართელოს მელიორაციის“ გენერალური დირექტორის, ლევან დვალის განცხადებით დასახლებაში მოეწყობა 30 კილომეტრამდე წყალმიმყვანი მაგისტრალი და  გამანაწილებელი ქსელი, რომელიც სარწყავი წყლით უზრუნველყოფს  წეროვანის დასახლების თითოეულ ოჯახს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს