მთავრობის დღევანდელ სხდომაზე 2016-2020 წლების C ჰეპატიტის ელიმინაციის სახელმწიფო პროგრამას დაამტკიცებენ.

როგორც პრემიერ-მინისტრმა გიორგი კვირიკაშვილმა განაცხადა, აღნიშნულ  პროგრამაზე სახელმწიფო ბიუჯეტიდან 57 მილიონი ლარი იხარჯება, ხოლო მთლიანად პროგრამის ფარგლებში სახელმწიფო უსასყიდლოდ 15 მილიარდი დოლარის ღირებულების მედიკამენტებს მიიღებს.

„ნამდვილად საამაყოა, რომ გასული პერიოდის განმავლობაში ჩვენ ათასობით ადამიანის სიცოცხლე გადავარჩინეთ და მართლაც ათასობით ოჯახი ასევე ვიხსენით სიღატაკისგან. ჩვენ ამ 4 წლის თავზე მიზნად გვაქვს დასახული, რომ იმფიცირებულების 90% უნდა გვყავდეს უკვე გამოკვლეული, ხოლო დაავადებულთა 95% უნდა გვყავდეს განკურნებული. ეს არის ძალიან მნიშვნელოვანი ამოცანა, ამ პროგრამაზე სახელმწიფო ბიუჯეტიდან იხარჯება 57 მილიონი ლარი, ხოლო მთლიანად პროგრამის ფარგლებში სახელმწიფო მიიღებს უსასყიდლოდ 15 მილიარდი დოლარის ღირებულების მედიკამენტებს. ამიტომ, ძალიან მნიშვნელოვანია ამ პროგრამის განხორციელება. მინდა მადლობა გადავუხადო ყველა ჩვენს პარტნიორს. პროგრამაში ჩართული არიან "გილიარდი"  და აშშ-ს დაავადებათა კონტროლის ცენტრი, ასევე მადლობა გადავუხადო სამთავრობო გუნდს დავით სერგეენკოს ხელმძღვანელობით,რომლებიც ახორციელებენ ამ ძალიან მნიშვნელოვან პროგრამას. მომავალი 4 წლის განმავლობაში ფაქტობრივად მოხდება ამ დაავადების აღმოფხვრა საქართველოში“, - აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს