იტალიაში ორი სამგზავრო მატარებლის შეჯახების შედეგად გარდაცვლილთა რიცხვმა 25-ს მიაღწია, - ამის შესახებ ინფორმაციას BBC ავრცელებს.

მედია საშუალების ინფორმაციით, ინციდენტის შედეგად 50-მდე ადამიანი დაშავდა, მათგან ბევრის მდგომარეობა კრიტიკულია.

შეგახსენებთ, რომ ავარია ქვეყნის სამხრეთ ნაწილში ქალაქებს ბარისა და ბარლეტას შორის მოხდა. სარკინიგზო კატასტროფის ადგილი იტალიის პრემიერ-მინისტრმა მატეო რენციმ მოინახულა.

შემთხვევის ადგილზე მიმდინარე სამაშველო სამუშაოებში 200-მდე ადამიანი მონაწილეობდა. მაშველები მგზავრებს დაზიანებული ვაგონებიდან გამოსვლაში ეხმარებოდნენ. ამ დრომდე დაუდგენელია ავარიის მიზეზი. ადგილობრივი საგამოძიებო ორგანოები ვარაუდობენ, რომ მატარებლების შეჯახება შესაძლოა, ადამიანურმა ფაქტორმა გამოიწვია. ორივე მატარებელი კერძო სატრანსპორტო კომპანია Ferritramviaria SpA-ს ეკუთვნოდა.

ცნობისთვის, შეჯახება  დატვირთულ სარკინიგზო ხაზზე მოხდა, რომელზეც ყოველდღიურად 200-მდე მატარებელი მოძრაობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა