ათათურქის სახელობის საერთაშორისო აეროპორტში თავდასხმის შედეგად დაღუპულთა რიცხვი 43-მდე გაიზარდა, - ინფორმაციას მსხვერპლის შესახებ ადგილობრივი მედია თურქეთის შინაგან საქმეთა მინისტრზე დაყრდნობით ავრცელებს.

თურქეთის ხელისუფლების ინფორმაციით, აეროპორტზე თავდასხმაში მონაწილე თვითმკვლელები რუსეთის, უზბეკეთისა და ყირგიზეთის მოქალაქეები იყვნენ.

გამოცემა Hurriyet წერს,  რომ რუსეთის მოქალაქე წარმოშობით ჩრდილოკავკასიელია, თუმცა ოფიციალურად აღნიშნულ ცნობა არ დადასტურებულა.

ცნობისთვის, სტამბოლსა და იზმირში ჩატარებული სპეცოპერაციების დროს პოლიციამ აეროპორტში მომხდარ ტერაქტთან კავშირში ეჭვმიტანილი 13 პირი დააკავა. თურქული მედიის ცნობით, დაკავებულებს შორის რამდენიმე უცხოელია.

შეგახსენებთ, რომ სამმა თვითმკვლელმა ტერორისტმა ათათურქის სახელობის აეროპორტში ჯერ ცეცხლი გახსნა, შემდეგ კი თავი აიფეთქა. ტერაქტზე პასუხისმგებლობა არავის აუღია, თუმცა ხელისუფლება ვარაუდობს, რომ თავდასხმა ექსტრემისტული დაჯგუფების "ისლამური სახელმწიფოს" ორგანიზებულია.

ჯანდაცვის სამინისტროს ცნობით, 239 დაშავებულიდან საავადმყოფოში ამ დრომდე რჩება 128 ადამიანი, მათგან 41 ინტენსიური თერაპიის განყოფილებაში იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა