2016-06-27 15:13:04, 800 ნახვა
სამხედრო
პრემიერი მიიჩნევს, რომ ხიდაშელის გადაწყვეტილება მთავრობამ და უშიშროების საბჭომ უნდა განიხილონ
საქართველოს პრემიერ-მინისტრ გიორგი კვირიკაშვილს მიაჩნია, რომ სავალდებულო სამხედრო სამსახურის გაუქმების გადაწყვეტილებას მთავრობის სხდომის ფორმატში განხილვა სჭირდება.
ამასთან, კვირიკაშვილის თქმით, საკითხი უშიშროების საბჭომაც უნდა განიხილოს.
„პრემიერ-მინისტრს მიაჩნია, რომ სავალდებულო სამხედრო სამსახურის გაუქმების გადაწყვეტილება, მისი მრავალმხრივი ასპექტიდან გამომდინარე, საჭიროებს მთავრობის სხდომის ფორმატში განხილვას და შესაბამის დასტურს. პრემიერი ასევე მიჩნევს, რომ საკითხი უნდა იქნას განხილული უშიშროების საბჭოს მიერ“, - აცხადებენ პრეს-სამსახურში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
