დავით აღმაშენებლის სახელობის საქართველოს ეროვნულმა თავდაცვის აკადემიამ უმაღლესი და პროფესიული განათლების, საზღვარგარეთ სწავლისა და სტუდენტური სერვისების მე-5 საერთაშორისო გამოფენაში მიიღო მონაწილეობა.

თავდაცვის სამინისტროს ინფორმაციით, ორდღიანი გამოფენის ფარგლებში, ეთა-ს ხელმძღვანელებსა და წარმომადგენლებს მომავალ მსმენელებთან პირისპირ გასაუბრების საშუალება მიეცათ. ეროვნული თავდაცვის აკადემიის რექტორმა, პოლკოვნიკმა ირაკლი გეგეჭკორმა  და რექტორის მოადგილემ, ერეკლე ჩიგოგიძემ აბიტურიენტებს საბაკალავრო პროგრამები გააცნეს. მათ მომავალ სტუდენტებს სამოქალაქო და სამხედრო  განათლების მიღების პერსპექტივების შესახებ პრეზენტაციაც წარუდგინეს. საინფორმაციო-გაცნობითი ხასიათის შეხვედრაზე მომავალმა იუნკერებმა მათთვის საინტერესო კითხვებზე პასუხები მიიღეს.

ამასთან, 6 მარტს 14:00 საათზე ეროვნულ თავდაცვის აკადემიაში სწავლის მსურველი აბიტურიენტებისათვის ღია კარის დღე გაიმართება. ახალგაზრდებს  საშუალება ექნებათ დეტალურად გაეცნონ საბაკალავრო სასწავლო პროგრამებს და ადგილზე დაათვალიერონ აკადემიის ინფრასტრუქტურა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის ბიზნესგანათლების პროგრამაში, მაისის თვეში,  500-ზე მეტი მეწარმე ჩაერთო

შიო III საქართველოში დიდი ბრიტანეთის ელჩს შეხვდა

ყველაფერი პოლიციის შესახებ: საპატრულოს დირექტორის მოადგილემ თანამდებობა დატოვა

უკრაინამ თათარსტანსა და სამარის რეგიონში მსხვილ ნავთობქიმიურ ქარხნებს შეუტია