ემილი ჰაბერი: ევროკავშირისთვის მნიშვნელოვანია, რომ ვიზალიბერალიზაციის შეჩერების მექანიზმი ამოქმედდეს

2016-06-10 14:04:29, 708 ნახვა

პოლიტიკა

გერმანიის შინაგან საქმეთა სამინისტროს წარმომადგენელის ემილი ჰაბერის განცხადებით, ევროკავშირისთვის მნიშვნელოვანია, რომ ვიზალიბერალიზაციის შეჩერების მექანიზმი ამოქმედდეს.

ამის შესახებ ჰაბერმა ლუქსემბურგში ევროკავშირის შინაგან საქმეთა მინისტრების შეხვედრაზე განაცხადა.

შეხვედრაზე ერთ-ერთი განსახილველი საკითხი საქართველოსთვის სავიზო რეჟიმის გაუქმებაა.

ჰაბერის თქმით, ევროკავშირში აცნობიერებენ, რამდენად მნიშვნელოვანია საქართველოს მოქალაქეებისთვის ევროკავშირთან სავიზო რეჟიმის გაუქმება.

"ვიზალიბერალიზაცია ძალიან მნიშვნელოვანია საქართველოსთვის და მისი მოქალაქეებისთვის. ჩვენ გავნვიხილავთ საგანგებო მექანიზმის საკითხს იმისთვის, რომ ვიყოთ დარწმუნებულები იმაში, რომ უვიზო რეჟიმით სარგებლობის წესების მასობრივი დარღვევის შემთხვევაში შეგვეძლება ზომების ამოქმედება”, - განაცხადა ემილი ჰაბერმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან