საქართველოს საგარეო საქმეთა მინისტრი მიხეილ ჯანელიძე დემოკრატიისა და ეკონომიკური განვითარების ორგანიზაცია - სუამ-ის გენერალურ მდივანს ალთაი ეფენდიევს შეხვდა.

საგარეო უწყების ინფორმაციით, შეხვედრაზე მხარეებმა მიმოიხილეს სუამ-ის დღის წესრიგის ძირითადი საკითხები. ისაუბრეს ორგანიზაციის ფარგლებში შემდგომი თანამშრომლობის გაღრმავების პერსპექტივებსა და იმ მიმართულებებზე, სადაც არსებოს ერთობლივი პროექტების განხორციელების შესაძლებლობები.

საქართველოს საგარეო საქმეთა მინისტრმა ხაზი გაუსვა, რომ საქართველო განსაკუთრებულ მნიშვნელობას ანიჭებს სუამ-ის ფორმატში როგორც პოლიტიკურ, ისე დარგობრივ თანამშრომლობას. ამ თვალსაზრისით, აღინიშნა სუამ-ის სამდივნოს როლი ორგანიზაციის განვითარებისა და საერთაშორისო არენაზე სუამ-ის წარმოჩინების კუთხით. მიხეილ ჯანელიძემ სუამ-ის გენერალურ მდივანს საქმიანობის განხორცილებაში ქართული მხარის სრული მხარდაჭერა აღუთქვა.

სუამ-ის გენერალურმა მდივანმა მადლობა გადაუხადა ქართულ მხარე მოწვევისთვის და დაადასტურა მზადყოფნა, ხელი შეუწყოს სუამ-ის წევრ სახელმწიფოების თანამშრომლობას ორგანიზაციის ინსტიტუციონალურ დონეზე.

სუამ-ის გენერალური მდივნის ვიზიტი განხორციელდა საქართველოს დამოუკიდებლობის აღდგენის 25 წლის იუბილესთან დაკავშირებული საზეიმო ღონისძიებების ფარგლებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა