რეგიონული სასწრაფო მსოფლიო რბენის მხარდამჭერია

2016-05-08 11:51:43, 682 ნახვა

საზოგადოება

რეგიონული სასწრაფო სამედიცინო დახმარების ცენტრი მსოფლიო რბენის მხარდამჭერია.

დღეს, დილის 09:00 საათიდან, გადაუდებელი დახმარების სამი ეკიპაჟი კახეთში, ლოპოტას გადასახვევთან არის მობილიზებული და საჭიროების შემთხვევაში მარათონის მონაწილეებს პირველად სამედიცინო დახმარებას ადგილზე უწევს.

რბენა მთელი მსოფლიოს მასშტაბით, თბილისის დროით, 15:00 საათზე დაიწყება და მარათონში 35 ქვეყნის მოქალაქე ერთდროულად ჩაერთვება.

ცნობისთვის, მსოფლიო მარათონი ზურგის ტვინის დაავადების მქონე პაციენტთა მხარდამჭერი, ტრადიციული საქველმოქმედო ღონისძიებაა, რომელიც საქართველოში უკვე მეორე წელია იმართება. სასწრაფო სამედიცინო დახმარების ცენტრი ღონისძიებაში წელს უკვე მეორედ ჩაერთო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან