აჭარის ა/რ მთავრობის აპარატში  KFW-ს გარემოსდაცვითი პროგრამების ხელმძღვანელთან ანდრეას ვეიტცელთან და WWF-ის კავკასიის პროგრამის წარმომადგენელთან ნუგზარ ზაზანაშვილთან შეხვედრა გაიმართა. 

შეხვედრას  აჭარის მთავრობის თავმჯდომარის მოვალეობის შემსრულებელი ნუგზარ სურმანიძე, აჭარის ა/რ გარემოს დაცვისა და ბუნებრივი რესურსების სამმართველოს უფროსი ვახტანგ წულაძე, აჭარის მთავრობის საერთაშორისო ურთიერთობის დეპარტამენტის უფროსი ხათუნა ნაყეური ესწრებოდნენ.

შეხვედრაზე მაღალმთიან აჭარაში ეკო-დერეფნების მოწყობის შესახებ KFW-ს ახალი საპილოტე პროექტი განიხილეს. პროექტი ,,კავკასიის ეკო-დერეფანი" გრძელვადიანია და მოიცავს 10-წლიან პერიოდს.

ეკო-დერეფნების პროექტის ბიუჯეტი საქართველოში დაახლოებით 2 მლნ.ევროს შეადგენს და გათვლილია ორმხრივ სარგებელზე: იგი ერთის მხრივ გააუმჯობესებს ადგილობრივი მოსახლეობის სოციო-ეკონომიკურ მდგომარეობას, მეორეს მხრივ კი ხელს შეუწყობს ეკო-სისტემის გაუმჯობესებას რეგიონში. 

პროექტი ითვალისწინებს შესაბამისი რესურსებით უზრუნველყოფას, ეკოლოგიური მიწათსარგებლობის პრაქტიკის ინიცირებასა და დანერგვას შერჩეული ეკოლოგიური დერეფნებისთვის საქართველოში, სომხეთსა და აზერბაიჯანში. პროექტის მიზანს წარმოადგენს, რომ აღნიშნული ეკო-დერეფნები რეგიონული ეკოლოგიური ქსელის განუყოფელი ნაწილი გახდეს. ამავდროულად პროგრამის მიზანია ტყის ფონდის დაარსება, რომელიც იქნება მდგრადი მიწათსარგებლობის პრაქტიკის დანერგვის ინსტრუმენტი ეკოლოგიურ დერეფნებში. მნიშვნელოვანია, რომ საქართველოში ეკო-დერეფანი პირველად მაღალმთიან აჭარაში მოეწყობა.

პროექტი ,,კავკასიის ეკო-დერეფანი"  ბუნების დაცვის მსოფლიო ორგანიზაცია WWF-ის მიერ გერმანიის განვითარების ბანკის KFW მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს