მთავრობის ადმინისტრაციასთან სტუდენტების აქცია მიმდინარეობს

2016-04-16 16:27:04, 612 ნახვა

საზოგადოება

სტუდენტემა თბილისის სახელმწიფო უნივერსიტეტის პირველი კორპუსიდან მსვლელობით მთავრობის ადმინისტრაციის შენობასთან გადაინაცვლეს.

ისინი განათლების სისტემის რეფორმირებას და პრემიერ-მინისტრთან შეხვედრას ითხოვენ.

აქციის მონაწილეებს ადგილზე ბანერები აქვთ მიტანილი, წარწერთი: „არა ოდეერებს“, „არა პრიორიტეტებს და პრიორიტეტი მეცნიერებას“ , „თავისუფლება, თანასწორობა, სოლიდარობა“ და სხვა.

„ის რომ ჩვენ გარეთ ვართ, პარლამენტის დამსახურებაა, ის რომ განათლების რეფორმა არ შეესაბამება იმ რეფორმას, რომელსაც ჩვენ მოვითხოვთ, არის პრობლემა, რომლითაც ჩვენ მივდივართ მთავრობის კანცელარიასთან“, - განაცხადა აქციის ერთ-ერთმა ორგანიზატორმა ლევან ლორთქიფანიძემ.

ამასთან, აქციის ორგანიზატორი მოუწოდებს სტუდენტებს საქართველოს ყველა ქალაქში შეუერთდნენ მოძრაობას, „რათა სისტემა დაინგრეს და მივიღთო განათლების რეფორმა რომელსაც სტუდენტები იმსახურებენ“.

ადგილზე 100-მდე სტუდენტია შეკრებილი. მობილიზებულია საპატრულო პოლიცია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან