სასჯელაღსრულებისა და პრობაციის მინისტრი კახა კახიშვილი თბილისის ღია უნივერსიტეტს სტუმრობდა.

სამინისტროსა და უნივერსიტეტს შორის არსებული მემორანდუმის ფარგლებში კახა კახიშვილმა უნივერსიტეტში ინტერაქტიული შეხვედრა  გამართა და სტუდენტების კითხვებს უპასუხა. 

უწყების ინფორმაციით, სტუდენტები სასჯელაღსრულების სისტემაში გატარებული რეფორმებით და იმ საკანონმდებლო ცვლილებებით დაინტერესდნენ, რომელიც ახალი ხელისუფლების პირობებში განხორციელდა.

შეხვედრაზე უწყებაში განხორციელებული რეფორმები მიმოიხილეს,  საუბარი შეეხებო მსჯავრდებულების/ბრალდებულების პირობებისა და უფლებრივი მდგომარეობის გაუმჯობესებას, პენიტენციური ჯანდაცვის სერვისებს, პენიტენციურ დაწესებულებებში განათლებისა და დასაქმების ხელმისაწვდომობას.

სტუდენტებთან საუბრისას მინისტრმა ხაზგასმით აღნიშნა მსჯავრდებულების რისკების მიხედვით გადანაწილების მნიშვნელობა, რომელიც 2017 წელს დასრულდება. კახა კახიშვილის განცხადებით, რისკების მიხედვით დაყოფა საშუალებას იძლევა კრიმინალური სუბკულტურის მქონე პატიმრები გაიმიჯნონ იმ პატიმრებისგან, რომლებიც პენიტენციურ დაწესებულებებში კონკრეტული შემთხვევების გამო მოხვდნენ.

„თბილისის ღია უნივერსიტეტის სტუდენტებთან შეხვედრა საკმაოდ ინტერაქტიულ რეჟიმში წარიმართა. სტუდენტებს პენიტენციურ  და პრობაციის სისტემაში გატარებული რეფორმები გავაცანით, ამავდროულად ვისაუბრეთ გეგმებზე, თუ რის გაკეთებას ვაპირებთ მომავალში. მიმაჩნია, რომ ძალიან მნიშნველოვანია საზოგადოებამ იცოდეს, თუ რა მდგომარეობაა დღეს თავისუფლების აღკვეთის დაწესებულებებში და  პრობაციაშიც.  კონკრეტულად რა სერვისები და პროგრამებია ხელმისაწვდომი მსჯავრდებულებისთვის. მსგავსი შეხვედრები  სხვადასხვა უნივერსიტეტებში აუცილებლად გაგრძელდება, რადგან როგორც დღევანდელმა შეხვედრამ ცხადყო, ინტერესი სტუდენტების მხრიდან დიდია“,  - განაცხადა სასჯელაღსრულებისა და პრობაციის მინისტრმა.

სტუდენტები უწყების იმ ახალი ინიციატივებითაც დაინტერესდნენ, რომელიც მსჯავრდებულებს დასაქმებისა და შემოსავლის მიღების საშუალებას აძლევს. კახა კახიშვილის განცხადებით სისტემის რეფორმირების პროცესში პირველ ეტაპზე 40-მდე კანონში  შევიდა ცვლილება. გარდა ამისა, უკვე მზად არის და მალე დამტკიცდება ცვლილებათა კიდევ ერთი პაკეტი, რომლის თანახმად  მსჯავრდებულებს საშუალება მიეცემათ დაწესებულებაში მათ მიერ დამზადებული ნაკეთობები ონლაინ მაღაზიის საშუალებით გაყიდონ.

 „დღევანდელი შეხვედრა სტუდენტების სურვილი იყო და მათივე ინიციატივით გაიმართა. ძალიან საინტერესო იყო მინისტრის ხედვა იმ რეფორმებთან დაკავშირებით, რომელიც სასჯელაღსრულებისა და პრობაციის სამინისტროში ტარდება. ჩვენ სამინისტროსთან სტუდენტების სტაჟირების კუთხით აქტიურად ვთანამშრომლობთ, ამ მხრივ ბატონი კახა ყველანაირად უწყობს ხელს სტუდენტებს, რომ მიღებული თეორიული ცოდნა პრაქტიკაში გამოიყენონ“, - განაცხადა თბილისის ღია უნივერსიტეტის რექტორმა ნოდარ პაპუკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს