უკრაინის შეიარაღებული ძალების უპილოტო სისტემების ძალებისა და უკრაინის უსაფრთხოების სამსახურის ცნობით, რუსეთის ლენინგრადის ოლქში მდებარე კრონშტადტის საზღვაო ბაზაზე იერიშის შედეგად განადგურებულია რაკეტმზიდი "ბოიკი".

უპილოტო სისტემების ძალების მეთაურის, რობერტ "მადიარ" ბროვდის" მიხედვით, უკრაინულმა ძალებმა კორვეტ "ბოიკის," რომელიც მართვადი რაკეტებით არის აღჭურვილი, მიაგნეს და "ცეცხლი წაუკიდეს". 

მისივე თქმით, რუსული გემი კრონშტადტში შესაკეთებელი სამუშაოებისთვის თებერვლიდან მოყოლებული იყო გაჩერებული. ნავსადგომში ყოფნისას კი ის კვლევით გემ "ადმირალ ვლადიმირკის" შეეჯახა. უკრაინული მხარის ცნობით, "ბოიკის" რუსეთი, მათ შორის, ჩრდილოვანი ფლოტის ესკორტირებისთვის იყენებდა. 

უკრაინის უსაფრთხოების სამსახურმა დაადასტურა, რომ ლენინგრადის ოლქში უკრაინულმა დრონებმა სამხედრო გემების ნავსადგომს შეუტიეს, ხოლო ოკუპანტებისთვის მიყენებული ზიანის მასშტაბების გადამოწმება ამ დრომდე მიმდინარეობს. 

მანამდე უკრაინის პრეზიდენტმა ვოლოდიმირ ზელენსკიმ განაცხადა, რომ 3 ივნისის ღამის საათებში თავდაცვის ძალებმა იერიშები მიიტანეს კრონშტადტის საზღვაო ბაზაზე, რომელიც რუსეთის საზღვაო ძალების ბალტიის ზღვის ფლოტის მთავარ ავანპოსტს წარმოადგენს. 

ავტორი: ექსპრესნიუსი,

სოციალური ქსელები

ბოჭორიშვილი სავიზო დიალოგზე: პოზიციები გავცვალეთ, ვნახოთ, მოვლენები როგორ განვითარდება

კობახიძე: ნანუკა ჟორჟოლიანის წინ წამოწევაც ოპოზიციის უმძიმეს მდგომარეობაზე მეტყველებს

კობახიძე: ჩავკეტეთ შანტაჟის ყველა გზა, დარჩა თეორიული ინსტრუმენტი - ვიზალიბერალიზაცია

„ტოიოტა ცენტრი თეგეტამ“ Toyota Ichiban-ის ჯილდო უკვე მეორედ მოიპოვა