02:52 - 13 Jun, 2026
ჩვენ შესახებ რეკლამა/ხელმოწერა
2026-05-01 15:17:17, 4278 ნახვა

პოლიტიკა
Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა

რუსული Telegram-არხი Faridaily ინფორმირებულ წყაროებზე დაყრდნობით წერს, რომ 18 აპრილს რუსეთის ბუნებრივი რესურსების მინისტრის მოადგილე, დენის ბუცაევი რუსეთიდან საქართველოს გავლით აშშ-ში გაიქცა

არხის ცნობით, გამგზავრების მომენტში ბუცაევი კვლავ იკავებდა მინისტრის მოადგილის თანამდებობას. მისი გადადგომა ოფიციალურად მხოლოდ რამდენიმე დღის შემდეგ, 22 აპრილს დაამტკიცა რუსეთის პრემიერ-მინისტრმა მიხაილ მიშუსტინმა.

წყაროების თანახმად, ბუცაევმა ქვეყანა ნაჩქარევად დატოვა: თავდაპირველად მინსკში გაემგზავრა, შემდეგ კი თბილისში ჩავიდა, საიდანაც აშშ-ში გაფრენა შეძლო. ამასთან, ის არ ფიგურირებს არც აშშ-ის, არც კანადის, არც ევროკავშირის და არც გაერთიანებული სამეფოს სანქციების სიებში.

Faridaily-ის შეფასებით, ეს შესაძლოა პირველი ცნობილი შემთხვევა იყოს, როდესაც ასეთი მაღალი რანგის მოქმედმა რუსმა ჩინოვნიკმა ქვეყანა დატოვა.

 რუსული Telegram-არხი ბუცაევის გაქცევას წარსულში, 2020-დან 2025 წლის მარტამდე, მის რუსეთის ეკოლოგიური ოპერატორის (РЭО) ხელმძღვანელად მუშაობას უკავშირებს. აპრილში ანონიმურ რუსულ Telegram-არხებზე გავრცელდა ინფორმაცია, რომ ამ ორგანიზაციის ახალი ადმინისტრაციული დირექტორის წინააღმდეგ თაღლითობის მუხლით სისხლის სამართლის საქმე აღიძრა. გამოცემა „Ведомости“-მაც, საკუთარ წყაროებზე დაყრდნობით, დაწერა, რომ მსგავსი საქმეები კიდევ ორი მენეჯერის წინააღმდეგ მიმდინარეობს. ერთ-ერთი წყაროს ინფორმაციით, საქმის მასალებში ბუცაევის სახელიც ფიგურირებს





ავტორი: ექსპრესნიუსი,


სოციალური ქსელები
კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში
აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა
პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის
ბენზინის დეფიციტის გამო, რუსეთი თვითმფრინავებისთვის საწვავის პრობლემებია
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics