2026-03-11 15:00:07, 2623 ნახვა
პოლიტიკა
იოსელიანმა პაპუაშვილს პატიმარ მშობლებთან შვილების კომუნიკაციის უზრუნველყოფის თაობაზე მიმართა
2026 წლის 11 მარტს საქართველოს სახალხო დამცველმა პატიმარ მშობლებთან შვილების კომუნიკაციის უზრუნველყოფის თაობაზე საკანონმდებლო წინადადებით მიმართა საქართველოს პარლამენტის თავმჯდომარეს.
ინფორმაციას ომბუდსმენის აპარატი ავრცელებს.
განცხადების თანახმად, კანონმდებლობა განსაზღვრავს, მართლმსაჯულების ინტერესებიდან გამომდინარე, გამომძიებლის/პროკურორის მიერ ბრალდებულისთვის გარე სამყაროსთან კომუნიკაციის (პაემანის, სატელეფონო საუბრის და მიმოწერის) შეზღუდვის შესაძლებლობას. პრობლემას წარმოადგენს შეზღუდვის ავტომატურად ბრალდებულის არასრულწლოვან შვილებზე გავრცელება, რადგან არ არსებობს სპეციალური წესი, რომელიც ხსენებულ საკითხს დაარეგულირებს.
ავტორი: ექსპრესნიუსი,
epn.ge (@expressnews.ge)
