საქართველოს მეხუთე პრეზიდენტი სალომე ზურაბიშვილი თბილისში მცხოვრები აზერბაიჯანელი ჟურნალისტის აფგან სადიგოვის ჯარიმებს განცხადებით ეხმაურება.

"ტერორი საქართველოში - ახალი რეკორდები! აზერბაიჯანელი ჟურნალისტი, აფგან სადიგოვი, რომელიც თბილისში ყოველდღიურ საპროტესტო აქციებს ესწრება, ჯამში, 100 000 დოლარით დაჯარიმდა ახალი კანონის 55 დარღვევისთვის, რომელიც მომიტინგეებს ქუჩების გადაკეტვას უკრძალავს", - წერს სალომე ზურაბიშვილი. 

თბილისში მცხოვრები აზერბაიჯანელი ჟურნალისტი აფაგან სადიგოვი შსს-მ გზის გადაკეტვის საფუძველზე 275 000 ლარით დააჯარიმა.

ამის შესახებ ინფორმაციას “სოციალური სამართლიანობის ცენტრი” ავრცელებს.

შეგახსენებთ, 2025 წლის 23 ოქტომბერს სასამართლომ აფგან სადიგოვი ადმინისტრაციულ სამართალდამრღვევად ცნო – მას ბრალად ედებოდა გზის სავალი ნაწილის გადაკეტვა. გადაწყვეტილებით, სადიგოვს 14-დღიანი ადმინისტრაციული პატიმრობა შეეფარდა.

ის მარნეულის დროებითი მოთავსების იზოლატორიდან ხვალ, 5 ნოემბერს, საღამოს 19:20-ზე უნდა გათავისუფლდეს.

„სოციალური სამართლიანობის ცენტრის“ ინფორმაციით, სასამართლოს გადაწყვეტილების შემდეგ გაირკვა, რომ შინაგან საქმეთა სამინისტრომ სადიგოვი იმავე მიზეზით დამატებით 55-ჯერ დააჯარიმა 5 000- 5 000 ლარით. ცენტრის განმარტებით, ეს ჯარიმები მას 2025 წლის 29 ივლისიდან 17 ოქტომბრამდე პერიოდში ერიცხებოდა, თუმცა აღნიშნულზე სადიგოვისთვის არავის ჰქონია შეტყობინება.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან