ევროკავშირმა უკრაინის დასახმარებლად გაყინული რუსული აქტივების გამოყენების შესახებ გადაწყვეტილების მიღება დეკემბრამდე გადადო, იტყობინება Bloomberg ინფორმირებულ წყაროებზე დაყრდნობით. სააგენტოს ცნობით, ევროკავშირის ლიდერებმა ევროკომისიას დაავალეს, მოამზადოს გადაწყვეტილებების ვარიანტები, რომლებიც დეკემბერში მომდევნო სამიტზე იქნება განხილული. წყაროები აღნიშნავენ, რომ ბრიუსელი საბოლოო შეთანხმების მიღწევას წლის ბოლომდე ელის.

საუბარია უკრაინისთვის დაახლოებით 140 მილიარდი ევროს ოდენობის „რეპარაციის სესხის“ შესაძლო გაცემაზე, რომელიც უზრუნველყოფილი იქნება რუსეთის ცენტრალური ბანკის გაყინული აქტივებით. თუმცა, ამ გეგმის განხილვა ჩერდება ბელგიის პოზიციის გამო, სადაც რუსული სახსრების უმეტესობა ინახება. Bloomberg-ის წყაროების განმარტებით, ბრიუსელმა მოითხოვა უფრო მკაცრი გარანტიები, რომ ქვეყანა არ იქნება პასუხისმგებელი სესხთან დაკავშირებულ ნებისმიერ რისკზე.

რუსეთის მიერ უკრაინაში სრულმასშტაბიანი შეჭრის შემდეგ, დასავლეთის ქვეყნებმა გაყინეს რუსეთის ცენტრალური ბანკის 200 მილიარდ ევროზე მეტი აქტივი, რომელთაგან დაახლოებით 190 მილიარდი ევრო ბელგიაში, Euroclear-ის დეპოზიტარშია განთავსებული. უკრაინა უკვე იღებს საპროცენტო შემოსავალს ამ ფონდებიდან. ევროკომისიის გეგმა ითვალისწინებს, რომ აქტივებით უზრუნველყოფილი სახსრები გამოყენებული იქნება უკრაინის შეიარაღებული ძალების დასაფინანსებლად. სესხი ომის დასრულების შემდეგ უნდა დაფაროს, როდესაც რუსეთი დათანხმდება უკრაინისთვის მიყენებული ზიანის ანაზღაურებას. ამ შემთხვევაში, თანხები დაუბრუნდება Euroclear-ს და რუსეთი კვლავ შეძლებს მათ გამოყენებას.

20 ოქტომბერს Bloomberg-მა გაავრცელა ინფორმაცია, რომ შეერთებულმა შტატებმა უარი თქვა ევროკავშირის მიერ მხარდაჭერილ G7 გეგმაში მონაწილეობაზე, რომელიც უკრაინის დასაფინანსებლად გაყინული რუსული აქტივების გამოყენებას გაფართოვებდა. სააგენტოს ცნობით, ამერიკულმა მხარემ ვაშინგტონში საერთაშორისო სავალუტო ფონდის შეხვედრების ფარგლებში ევროპელ პარტნიორებს აცნობა, რომ ამ ეტაპზე არ აპირებს ინიციატივაში შეერთებას, ფინანსური ბაზრების სტაბილურობასთან დაკავშირებული შეშფოთების მოტივით.

ბელგიამ, სადაც რუსული აქტივების უმეტესობა მდებარეობს, არაერთხელ გააფრთხილა, რომ ამ თანხების გაფართოებულმა გამოყენებამ შეიძლება გამოიწვიოს სასამართლო პროცესები, შექმნას დამატებითი ვალდებულებები მთავრობებისთვის, შეასუსტოს ევრო და შეარყიოს ნდობა ევროპის ფინანსური სექტორის მიმართ.

ავტორი: ექსპრესნიუსი,

სოციალური ქსელები

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა