2016-03-19 18:43:45, 499 ნახვა
პოლიტიკა
მარგველაშვილი: ვადასტურებ თურქეთის ხელისუფლებისადმი მტკიცე მხარდაჭერას საერთაშორისო ტერორიზმთან ბრძოლაში
საქართველოს პრეზიდენტი სტამბულში მომხდარი ტერორისტული აქტის გამო შეშფოთებას გამოთქვამს.
"შეძრწუნებული ვარ თურქეთში, ქალაქ სტამბულში, მომხდარი მორიგი ტერორისტული აქტით, რომელსაც უდანაშაულო ადამიანთა სიცოცხლე შეეწირა. ქართველი ხალხის სახელით თანავუგრძნობ მეგობარ თურქ ხალხს და ვადასტურებ თურქეთის ხელისუფლებისადმი მტკიცე მხარდაჭერას საერთაშორისო ტერორიზმთან ბრძოლაში", - აღნიშნულია გიორგი მარგველაშვილის განცხადებაში.
ცნობისთვის, სტამბოლში აფეთქების შედეგად 5 ადამიანი გარდაიცვალა, 36 კი, დაშავდა. აფეთქება სტამბოლის ქუჩა ისტიკლალზე, სავაჭრო ცენტრტან ახლოს მოხდა. წინასწარი ინფორმაციით, აფეთქება თვითმკვლელმა ტერორისტმა განახორციელა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
