საქართველოს იუსტიციის სამინისტროს სსიპ „დანაშაულის პრევენციის ცენტრის“ პროექტ „გოგონათა კლუბის“ წევრები თბილისის სახელმწიფო კამერული ორკესტრის რეპეტიციას დაესწრნენ.

დანაშაულის პრევენციის ცენტრის ინფორმაციით, შეხვედრა საქართველოს კულტურისა და ძეგლთა დაცვის სამინისტროს სსიპ "კლასიკური მუსიკის დაცვის, განვითარებისა და პოპულარიზაციის ცენტრის" ინიციატივით გაიმართა. შესრულდა კლასიკოს კომპოზიტორთა ნაწარმოებები. ორკესტრის სამხატვრო ხელმძღვანელი გიორგი ქერელაშვილი ბენეფიციარებს  კომპოზიტორების შესახებ გაესაუბრა და  მათი შემოქმედება გააცნო. გარდა ამისა, გოგონებმა  მოისმინეს  საინტერესო ამბები კლასიკური მუსიკის ისტორიიდან.

აღსანიშნავია, რომ ეს შეხვედრა იუსტიციის მინისტრსა და სსიპ „კლასიკური მუსიკის დაცვის, განვითარებისა და პოპულარიზაციის ცენტრს" შორის, 2015 წელს გაფორმებული მემორანდუმის ფარგლებში გაიმართა. „გოგონათა კლუბი“  იუსტიციის სამინისტროს „დანაშაულის პრევენციის ცენტრის“ ერთ-ერთი პროექტია, რომელიც მედიაციის სახლში მიმდინარეობს. მისი მიზანია გოგონებმა თავისუფალი დრო ნაყოფიერად და საინტერესოდ გაატარონ.

იუსტიციის სამინისტროს სსიპ „დანაშაულის პრევენციის ცებტრის“ ერთ-ერთი მიმართულებაა მოზარდებში სამართლებრივი,  სამოქალაქო და კულტურულ-შემეცნებითი ცნობიერების ამაღლება, თავისუფალი დროის საინტერესოდ გატარების ხელშეწყობა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში