უკრაინის უშიშროების სამსახურმა პრეზიდენტ ვოლოდიმირ ზელენსკიზე ორი მკვლელობის მცდელობა აღკვეთა — ინფორმაციას უკრაინის უსაფრთხოების სამსახური საკუთარ ტელეგრამ არხზე ავრცელებს. ამის შესახებ უშიშროების სამსახურის ხელმძღვანელმა, გენერალ-ლეიტენანტმა ვასილ მალიუკმა მედიასთან შეხვედრისას განაცხადა.

მისი თქმით, ერთ-ერთი ყველაზე გახმაურებული შემთხვევა გასულ წელს დაფიქსირდა:

"დავაკავეთ სახელმწიფო დაცვის დეპარტამენტის პოლკოვნიკი და მასთან ერთად კიდევ ერთი პოლკოვნიკი. ორივე რუსეთის ფედერალური უსაფრთხოების სამსახურის (ФСБ) მეხუთე სამმართველოზე მუშაობდა. ისინი პრეზიდენტ ვოლოდიმირ ზელენსკიზე თავდასხმას ამზადებდნენ. მათი გეგმის მიხედვით, თავდასხმა პრეზიდენტის ოფისის ტერიტორიაზე მისი გადაადგილების დროს უნდა განხორციელებულიყო."

მალიუკმა აღნიშნა, რომ ოპერაცია ფარულად და ტექნოლოგიურად მაღალი დონით თითქმის ორი წლის განმავლობაში მიმდინარეობდა:

"ეს იყო რთული და მტკივნეული ოპერატიული მუშაობა — ფაქტობრივად, ომის დაწყებიდან მოყოლებული ვმუშაობთ ამ ჯგუფზე."

გარდა ზელენსკიზე თავდასხმის დაგეგმვისა, ბრალდებულები აგროვებდნენ მნიშვნელოვან ინფორმაციას და გადასცემდნენ რუსულ მხარეს. ისინი ასევე ამზადებდნენ თავდასხმებს უკრაინის უსაფრთხოების სამსახურის ხელმძღვანელ ვასილ მალიუკსა და სამხედრო დაზვერვის სამსახურის უფროს კირილ ბუდანოვზე.

"განსაკუთრებით მინდა გამოვყო კიდევ ერთი სპეცოპერაცია. ამჯერად ოპერაციაში ჩართული იყო პოლონეთის შიდა უსაფრთხოების სააგენტოც, რისთვისაც მადლობას ვუხდი მათ. ერთობლივი ძალებით სერიოზული დანაშაული გავხსენით. საქმე ეხება პოლონელ სამხედრო პენსიონერს, რომელიც ათწლეულების წინ იყო გადაბირებული და დღემდე ემორჩილებოდა საბჭოთა იდეოლოგიას. მტერმა სწორედ ახლა აამოქმედა ეს "კონსერვი,“ — განაცხადა მალიუკმა.

მისივე ინფორმაციით, ამ აგენტის მიზანი იყო პრეზიდენტ ზელენსკის ლიკვიდაცია პოლონეთის ჟეშუვის აეროპორტში.

"რამდენიმე ვარიანტს განიხილავდნენ — მათ შორის იყო FPV ტიპის დრონსა და სნაიპერული კომპლექსს. თუმცა, ოპერაციის დაწყებამდე აგენტი დავაკავეთ. ჩვენმა პოლონელმა პარტნიორებმა ძალიან პროფესიონალურად იმოქმედეს — ეს იყო საერთო წარმატება," — თქვა ვასილ მალიუკმა.

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია