2025-04-25 10:45:50, 5895 ნახვა
მსოფლიო
ტაილანდში პოლიციის თვითმფრინავი ჩამოვარდა - დაიღუპა 5 ადამიანი
ტაილანდში პოლიციის თვითმფრინავი ჩამოვარდა, რის შედეგად, სულ მცირე, 5 ადამიანი დაიღუპა, - ამის შესახებ ინფორმაციას სააგენტო Associated Press-ი ადგილობრივ ოფიციალურ პირებზე დაყრდნობით ავრცელებს.
ტაილანდის სამეფო პოლიციის წარმომადგენლის, არჩაიონ კრაიტონგის ცნობით, ტაილანდის პოლიციის მცირე ზომის თვითმფრინავი სატესტო ფრენას ასრულებდა, რა დროსაც ზღვაში ჩავარდა.
არჩაიონ კრაიტონგის ინფორმაციით, თვითმფრინავის ბორტზე 6 პოლიციელი იმყოფებოდა, რომელთაგან 5 დაიღუპა, ხოლო ერთი საავადმყოფოში გადაიყვანეს და მისი მდგომარეობა კრიტიკულია.
ავიაკატასტროფის მიზეზი ჯერჯერობით უცნობია.
ავტორი: ექსპრესნიუსი,
epn.ge (@expressnews.ge)
