„ერთიანობა - ნაციონალური მოძრაობის“ გენერალური მდივნის, პეტრე ცისკარიშვილის განცხადებით, „MEGOBARI აქტი“ არის მკაფიო სიგნალი აშშ-დან, რომ „ვაშინგტონიდან ავტოკრატიულ რეჟიმებს თავზე ხელს არ გადაუსვამენ“.

მისივე თქმით, ეს დოკუმენტი არის ასევე გზავნილი, რომ აშშ კონკრეტულ ზომებს იღებს იმ ადამიანების მიმართ, „ვინც დემოკრატიას ძირს უთხრის“.

„ეს არის მკაფიო და კონკრეტული სიგნალი შტატების მხრიდან, რომ ისინი ერთგულნი არიან დემოკრატიული ღირებულებების და არანაირი ცვლილება ამ მიმართულებით და ის, რისი იმედიც ივანიშვილის რეჟიმს ბოლო პერიოდის განმავლობაში ჰქონდა, რომ ვაშინგტონიდან ავტოკრატიულ რეჟიმებს ვინმე თავზე ხელს გადაუსვამდა, არ მოხდება. მთავარი სიგნალი და „მესიჯი“, რასაც კონგრესი საქართველოში აგზავნის, არის ის, რომ „ჩვენ კონკრეტულ ზომებს ვიღებთ იმ ადამიანების მიმართ, ვინც დემოკრატიას ძირს უთხრის“. ასევე ის, რომ ქართულმა საზოგადოებამ გააცნობიეროს და მიიღოს გადაწყვეტილება იმასთან დაკავშირებით, უღირს თუ არა ასეთი ხელისუფლების ყოლა“, - განაცხადა პეტრე ცისკარიშვილმა.

ცნობისთვის, არსებული ინფორმაციით, „MEGOBARI აქტის“ სენატში დარეგისტრირებულ ვერსიას საგარეო ურთიერთობის კომიტეტი მომდევნო კვირის დასაწყისში განიხილავს. შეგახსენებთ იმასაც, რომ ორპარტიული კანონპროექტი „MEGOBARI აქტი“ აშშ-ის წარმომადგენელთა პალატას კონგრესმენმა ჯო უილსონმა, კონგრესმენებმა სტივ კოენმა, რიჩარდ ჰადსონმა და მარკ ვეისმა წარუდგინეს.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა