„მთელი საუბარი იმაზე ააგეს, რომ რუსეთმა ჩვენი ტერიტორიები დაიკავა და „გაზპრომთან“ მოლაპარაკება  როგორ შეიძლება. თუ საკითხს ასე ვუდგებით,  მაშინ თურქეთიდან რომ ამდენი ნაგავი შემოაქვთ, იქ არ არის ჩვენი ტერიტორიები დაკავებული?!“, - ამის შესახებ ფრაქცია „ქართული ოცნება-მრეწველების“ თავმჯდომარე გოგი თოფაძემ პარლამენტში გაერთიანებული კომიტეტების სხდომაზე  განაცხადა, სადაც   ენერგეტიკის მინისტრ კახი კალაძეს უსმენენ.

თოფაძის თქმით, ენერგეტიკის სამინისტრო ერთ-ერთი ყველაზე წარმატებული სამინისტროა:

„ბატონ კახას მინდა მადლობა გადავუხადო, რადგან ერთ-ერთი ყველაზე წარმატებული სამინისტროა. ჩვენი დღევანდელი ხელისუფლების სტრატეგიაა, რომ მაქსიმალურად გამოვიყენოთ ჩვენი ბუნებრივი რესურსები და  სწორედ ამ გზას ადგანან. რომელი სამინისტროც მეტს გააკეთებს, მეტად გააკრიტიკებენ.  როდესაც ვგეგმავთ, რომ ბევრი საწარმო აშენდეს საქართველოსი, როცა დაიწყო საუბარი რომ შეიძლება „გაზპრომიდან“ მივიღოთ დამატებითი ბუნებრივი აირი, ამას სულ სხვა პოლიტიკური ელფერი მიეცა, ეკონომიკურად, თუ 4-5 მომწოდებელი გექნება, ეს ეკონომიური იქნება. ხვალ შეიძლება ირანიდან შემოვიდეს გაზი,  თურქმენეთიდან. ამაზე ააგეს, რომ თურმე როგორ შეიძლება, რუსეთმა ჩვენი ტერიტორიები დაიკავა და „გაზპრომთან“ საუბარი არ შეიძლება. მწვანილის გატანა და სხვადასხვა ღვინის გატანა შეიძლება და... თუ ასე ვუდგებით, მაშინ თურქეთიდან რომ ამდენი ნაგავი შემოაქვთ, იქ არ არის ჩვენი ტერიტორიები დაკავებული?! ნებისმიერი წარმატებული პროექტი, რასაც ჩვენი ხელისუფლება აკეთებს, კრიტიკის ქარცეცხლში ხვდება. გაიხსენეთ, სამ ხეზე რა ამბავი დაგვაყარეს, სამ ხეზე, რომელიც არც არავის წაუღია და მთელი ტყეები გაჩეხეთ საქართველოში, მილიარდები გაიტანეთ, სამ ხეზე რა ამბავი იყო, ორი კვირა დავკარგეთ პარლამენტში. ამიტომ, ცოტა ისე მიიღეთ ამათი კრიტიკა კალაძეს მიმართავს, ჩვენ შეჩვეულები ვართ. წარმატებებს გისურვებთ. ბევრი სასიკეთო გაკეთდა და ალბათ, ასე უნდა გააგრძელოთ“, - განაცხადა გოგი თოფაძემ.

თოფაძის გამოსვლის შემდეგ განცხადება გიგი წერეთელმა გააკეთა:

„იმედია, ავცდებით ჩვენ ახალ გეოპოლიტიკურ შეჯახებას და  კრიზისს ბატონი გოგის გამოსვლის შემდეგ, თურქეთი არ გაგვინაწყენდება და ჩვენს სტატეგიულ პარტნიორად დარჩება“, - აღნიშნა წერეთელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს