C ჰეპატიტის ელიმინაციის პროგრამის ფარგლებში, საქართველოს ოკუპირებული ტერიტორიებიდან იძულებით გადაადგილებულ პირებს C ჰეპატიტის უფასო სკრინინგი ჩაუტარდათ.

აქცია შრომის ჯანმრთელობისა და სოციალური დაცვის სამინისტროსა და ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვითა სამინისტროს ინიციატივით ჩატარდა.

ჯანდაცვის მინისტრის მოადგილემ, ვალერი კვარაცხელიამ დევნილებს გააცნო C ჰეპატიტის ელიმინაციის პროგრამაში არსებული სიახლეები, პროგრამის მიმდინარეობის პირველადი შედეგები და მიაწოდა ინფორმაცია დაავადების დამარცხების პროცესში სკრინინგის მნიშვნელობის შესახებ.

სკრინინგი იძულებით გადაადგილებული პირებისთვის გადაცემული საცხოვრებელი კორპუსის ტერიტორიაზე განლაგებულ მოძრავ ამბულატორიებში ჩატარდა. სკრინინგი ჩაიტარეს როგორც მაცხოვრებლებმა,ასევე ლტოლვილთა და განსახლების მინისტრმა სოზარ სუბარმა, რომელმაც მოსახლეობას აუხსნა თუ რამდენად მნიშვნელოვანია დაავადების დროული აღმოჩენა და C ჰეპატიტის მართვა ქვეყანაში.

C ჰეპატიტის უფასო სკრინინგის აქციები 2015 წლიდან დაიწყო და უწყვეტ რეჟიმში გრძელდება, რაც დაავადების დროულ გამოვლენას, მკურნალობას და მის სრულ ელიმინაციას ემსახურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო