"ვივამედის" კლინიკური დირექტორი მზია ამაღლობელის გადაწყვეტილებას, შეწყვიტოს შიმშილობა მიესალმება. ზურაბ ჩხაიძე ამბობს, რომ ამ ხანგრძლივობის შიმშილობა სიცოცხლისთვის საფრთხეს წარმოადგენდა და წინ კიდევ რთული რეაბილიტაციის პირობებია.

მისი თქმით, მზია ამაღლობელი კლინიკაში სრულ რეაბილიტაციამდე დარჩება. 

ჩვენ ეს ძალიან გვახარებს, რადგან მთელი ეს დღები ჩვენ ვცდილობდით, მიგვეღწეია ამ შეთანხმებისთვის. მადლობა მინდა გადავუხადო მის კოლეგებს, თუმცა მინდა ვთქვა, რამდენიმე ვაი ჟურნალისტის სამიზნე გახდა კლინიკა, კერძოდ, მე. რატომღაც რაღაცაში მე მადანაშაულებდნენ. ეს სრულიად გაუგებარი იყო ჩემთვის. 

ამ ხანგძლივობის შიმშილობა არის დაკავშირებული ძალიან დიდ რისკებთან. 30 დღის შემდეგ ყოველი დღე მოსალოდნელია სხვადასხვა ორგანოს თუ ორგანოების ფუნქციური მოშლილობები, რაც შეიძლება, დაკავშირებული ყოფილიყო ძალიან ცუდ გამოსავალთან და ის მოცემულობა, რაც დღეს გვაქვს, ძალიან მისაღები და სასიხარულოა ჩვენთვის.

ახლა ჩვენ გავაგრძელებთ მკურნალობის პროცესს კლინიკის პირობებში, რაც უკავშირდება პრევენციას ე.წ. რეფიდინგ სინდრომს, იმიტომ, რომ ეს არის ძალიან სერიოზული სინდრომი, რაც ვითარდება ხანგრძლივი შიმშილობის შედეგს განახლებულ კვებასთან. რაც უკავშირდება სხვადასხვა მეტაბოლურ დარღვევებს, - თქვა ზურაბ ჩხაიძემ. 
 

 „ბათუმელების“ დამფუძნებელი, მზია ამაღლობელი შიმშილობას წყვეტს - ამის შესახებ „ბათუმელების“ რედაქტორის, ეთერ თურაძის სპეციალური ბრიფინგიდან გახდა ცნობილი. 

 თურაძემ „ვივამედთან“ შეკრებილ მედიას მზია არალობელის წერილი წაუკითხა. ჟურნალისტი კოლეგებსაც მიმართავს და ბრძოლისკენ მოუწოდებს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა