საბურთალოს რაიონის გამგეობის ორგანიზებით, რაიონში მცხოვრები პენსიონერი და ვეტერანი ქალბატონებისათვის საქართველოს ეროვნული უნივერსიტეტის საკონცერტო დარბაზში ქალთა საერთაშორისო დღისადმი მიძღვნილი ღონისძიება გაიმართა.

მერიის ცნობით, კონცერტში ბავშვთა ვოკალური და ქორეოგრაფიული ანსამბლები, ასევე როკბენდი „scape”-ი  მონაწილეობდნენ. პატარებმა დარბაზში მსხდომი ქალბატონებისათვის იმღერეს, იცეკვეს და ლექსები წაიკითხეს. სიტყვით გამოვიდნენ პენსიონერთა კავშირის ხელმძღვანელი პირები, რომლებმაც მადლობა გადაუხადეს საბურთალოს რაიონის გამგებელს ბექა მიქაუტაძეს და მის მოადგილეებს გაწეული დახმარებისა და თანადგომისათვის, ასევე 8 მარტის ღონისძიების ორგანიზებისათვის.

ქალბატონები ყვავილების თაიგულებით დაასაჩუქრეს გამგებლის მოადგილეებმა, გაიოზ ვასაძემ, ლუკა კანკავამ და კახა გავაშელმა. აუდიტორიას სიტყვით მიმართა ბექა მიქაუტაძემ. საბურთალოს რაიონის გამგებელმა მათ ქალთა საერთაშორისო დღე მიულოცა, ჯანმრთელობა და ბედნიერ საქართველოში ცხოვრება უსურვა.

„მინდა მოგილოცოთ ეს დღე, ქალს, დედას ქართველი კაცის ისტორიაში ყოველთვის განსაკუთრებული ადგილი ეკავა და ეს მომავალშიც ასე იქნება. გილოცავთ და ვისურვებდი, რომ ყოველთვის გვილამაზებდეთ ჩვენს ცხოვრებას“, - განაცხადა ბექა მიქაუტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო